چۆن داواکاری پێشکەش بکەیت بۆ ڤیزای شینگنی هۆڵەندا؟

چۆن داواکاری پێشکەش بکەیت: هەنگاوەکان

• هەنگاوی ١:  مەبەستەکەت دیاریبکە بۆ گەشتکردن بۆ هۆڵەندا، کە جۆری ئەو ڤیزایە دیاریدەکات کە پێویستە تۆ داواکاری بۆ پێشکەش بکەیت.
• هەنگاوی ٢: ژمارەی چونەژوورەوەکان دیاریبکە کە پێویستت پێیەتی بۆ هۆڵەندا\ناوچەی شینگن.
• هەنگاوی ٣: بەڵگەنامە پێویستەکانت کۆبکەرەوە.
• هەنگاوی ٤: داواکاریەکەت پڕبکەرەوە.
  • هەموو داواکاریەکان بۆ ڤیزا شینگنەکانی هۆڵەندا دەبێت لەسەر ئینتەرنێت پڕبکرێنەوە، لە ڕێگەی ماڵپەڕی داواکاری ڤیزای هۆڵەنداوە. ئەگەر تۆ لایەنی سێەمی دابینەکەری خزمەتگوزاری  ڤیزا بەکارناهێنیت، ئەوا دەبێت تۆ داواکای پێشکەش بکەیت لەڕێگەی وێب سایت فەرمی وەزارەتی کاروباری دەرەوەی هۆڵەنداوە، لەڕێگەی ماڵپەڕی داواکاری ئینتەرنێتیانەوە.
• هەنگاوی ٥: کاتێك دیاری بکە بۆ دیداری ڤیزای شینگن (ئەگەر دەگونجێت)
  • بەپێی ناونیشانی ئەو کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت، ئەوا ڕەنگە پێویست بکات کاتێك دیاری بکەیت بۆ پێشکەشکردنی داواکاریەکەت بەبێ ئاگادارکردنەوەی پێشوەخت، بۆ کاتێك کە تۆ ئەمە دەکەیت دەبێت لە ماوەی کاتژمێرەکانی ئاسایی کارکردندا بێت. ڕاستەخۆ پەیوەندی بکە بە کونسوڵخانە\ناوەندی ڤیزاکەت بۆ زانینی ئەوەی کە ئایا پێویست دەکات کاتێك دیاری بکەیت بۆ پێشکەش کردنی داواکاریەکەت.
• هەنگاوی ٦:  تێچووی داواکاریەکە بدە.
• هەنگاوی ٧: داواکاری ڤیزای شینگن پێشکەش بکە (بەلایەنی کەمەوە ١٥ ڕۆژ بەر لە گەشتکردن، نەوەك ٦ مانگ بەرلەوە).
  • کونسوڵخانە\ناوەندی پڕۆسەکردنی ڤیزای جیاوازی هۆڵەندا ڕەنگە ڕێکاری جیاواز دابینبکەن بۆ پێشکەش کردنی داواکاریەکان. لە زۆربەی دۆخەکاندا، پێویستە داواکاریەکان بە شێوەی کەسی پێشکەش بکرێن لەو کونسوڵخانە\ناوەندەی کە تۆ لەڕێگەیەوە داواکاری پێشکەش دەکەیت. کاتێك کە تۆ داواکاریەکەت پێشکەش دەکەیت، ئەوا ڕەنگە داوات لێبکرێت زانیاری بایۆمیتری پێشکەش بکەیت (پەنجەمۆر). منداڵانی بچوکتر لە ١٢ ساڵ بەدەرخراون لە وەرگرتنی پەنجەمۆر. سەڕەڕای ئەمەش، وێنەگرتنی دەموچاو داوادەکرێت بەهۆی تەمەنەکەیانەوە. ئەگەر تۆ پەنجەپۆرەکانت پێشکەش کردووە (لەماوەی کەمتر لە ٥٩ مانگ)، ئەوا پێویست ناکات تۆ دووبارە پێشکەشی بکەیتەوە، و بۆیە ڕەنگە پێویست نەکات تۆ بە شێوەی کەسی ئامادەبیت بۆ پێشکەش کردنی داواکاریەکەت (نم. ڕەنگە تۆ کەسێكی تر دیاری بکەیت بۆ پێشکەش کردنی داواکاریەکە لە جیاتی خۆت).

کەی داواکاری پێشکەش بکەیت

داواکاری پێشکەش بکە بەلایەنی کەمەوە ١٥ ڕۆژ بەر لەو ڕۆژەی کە دەتەوێت گەشت بکەیت، و نەك پێش ٦ مانگ بەرلەوەی بڕۆیت. ئەگەر تۆ دەریاوانیت ئەوا دەتوانیت ٩ مانگ بەر لە ڕۆیشتن داواکاریەکەت پێشکەش بکەیت

لە کوێ داواکاری پێشکەش بکەیت

داواکاریەکان بۆ ڤیزا شینگنەکانی هۆڵەندا پێویستە پێشکەش بکرێن یاخود لە کونسولخانەی هۆڵەندا یان لە ناوەندی داواکردنی ڤیزا کە پەیوەندی هەیە لەگەڵ هۆڵەندا.

لەو وڵاتانەی کە کونسوڵخانەی هۆڵەندا بوونی نیە، ڕەنگە بکرێت داواکاریەکان لە ڕێگەی کونسوڵخانەی دەوڵەتێکی شننگنەوە بنێرێێن کە نوێنەرایەتی بەرژەوەندیەکانی کونسوڵخانەی هۆڵەندا دەکات.

تۆ داواکاریەکەت بۆ ڤیزای شینگنی هۆڵەندا پێشکەش بکەیت لەو وڵاتەی کە تۆ بەشێوەی یاسایی تێیدا نیشتەجێیت\یان هاوڵاتیت.

تکایە تێبینی ئەوە بکە، دوای پێشکەش کردنی داواکاریەکەت، ڕەنگە داوای گەڕانەوەت لێبکرێت لە بەروارێکی دواتردا بۆ چاوپێکوتنی کەسی بۆ دابینکردنی زانیاری\خاڵی زیاتری پەیوەنیدار بە گەشتەکەت.

کاتی پڕۆسەکردن

کاتی گشتی پرۆسەکردن بۆ ڤیزای شینگنی هۆڵەندا بەگشتی نزیکەی ١٥ ڕۆژە، هەرچەندە ڕەنگە هەتا ٤٥ ڕۆژ بخایەنیت لە کەیسی دیاریکراودا.

ئەگەر ڤیزاکە پەسەندکرا:

ڤیزاکەت وەربگرە و دڵنیابە لەوەی کە زانیاریەکانی کارایە و تەواوە.

ئەگەر ڤیزاکەت ڕەتکرایەوە:

ئەگەر تۆ ڕەتکردنەوەی ڤیزای شینگنی هۆڵەندات بەدەست گەیشت، ئەوا تۆ مافی تێهەڵچوونەوەت هەیە لە ماوەی ٤ هەفتە لە بەدەست گەیشتنی ڕەتکردنەوەکە.

دەست بەم پڕۆسەیەکە بکە بە هەڵگرتنی فۆرمی دەرچووی ئاسایی رەتکردنەوەی ڤیزاکەت، کە پێناسەی دەکات بۆچی داواکاریەکەت ڕەتکراوەتەوە، نامەی ڕەتکردنەوەکەت هەنگاوە وردەکاریەکانی پڕۆسەی تێهەڵچوونەوە ڕووندەکاتەوە، لەوانە بۆ کوێ بینێریت. پاشان، تێهەڵچوونەوەکەت پێشکەش بکە.

ئەگەر تێهەڵچوونەوەکەت سەرکەوتوبوو، ئەوا دەتوانیت کاری دیدارێکی نوێ دایاریبکەیت، بەجۆرێك کە پێویستە نامەکەت بهێنیت کە دەریدەخات تێهەڵچوونەوەکەت سەرکەوتوو بووە.

تکایە تێبینی ئەوە بکە کە ڕەنگە پێویست بێت تۆ تێچووی تێهەڵچوونەوەکە بدەیت، کە بە گشتی ناگەڕێنرێتەوە بەبێ گوێدانە دەرەنجامەی تێهەڵجوونەوەکە (ئەرێنی یان نەرێنی).

لە کۆتاییدا، کاتێك کە تۆ ڤیزای شینگنی هۆڵەندا بەدەست دەهێنیت، تکایە تێبینی ئەمانەی خوارەوە بکە:

ڕەنگە ڤیزاکەیت هەڵبوەشێنرێتەوە ئەگەر تۆ کونسوڵخانە\ناوەندی داواکاری ڤیزای هۆڵەندا ئاگادار نەکەیتەوە لە هەر گۆڕانکاریەك لە ئاڕاستەی گەشتەکەت کە ڕوودەدات دوای ئەوەی کە تۆ داواکاریەکەت پێشکەش دەکەیت.

پەسەندبوونت بۆ ڤیزای شینگن دڵنیایی نادات لە چوەنە ناوەوە بۆ هەریەك لە هۆڵەندا یان ناوچەی گشتی شینگن – دەکرێت جارێکی تر چونەژوورەوەت ڕەتبکرێتەوە بۆ هەردوو ناوچەکان لەکاتی گەیشتندا.

لە دۆخی جێگرەوە، ڕەنگە پێویست بکات بەڵگەنامەی زیاتر نیشان بدەیت لەبارەی داراییەکانت یان شوێنی مانەوە بۆ ئەوەی بچیتە هۆڵەندا\ناوچەی شینگن.