چۆن داواکاری پێشکەش بکەیت بۆ ڤیزای شینگنی ماڵتا؟

چۆن داواکاری پێشکەش بکەیت: هەنگاوەکان

• هەنگاوی ١: مەبەستەکەت دیاریبکە بۆ گەشتکردن بۆ ماڵتا، کە جۆری ئەو ڤیزایە دیاریدەکات کە پێویستە تۆ داواکاری بۆ پێشکەش بکەیت.
• هەنگاوی ٢: ژمارەی چونەژوورەوەکان دیاریبکە کە پێویستت پێیەتی بۆ ماڵتا\ناوچەی شینگن.
• هەنگاوی ٣: بەڵگەنامە پێویستەکانت کۆبکەرەوە.
• هەنگاوی ٤: کاتێك دیاری بکە بۆ دیداری ڤیزای شینگن (ئەگەر دەگونجێت)
  • بەپێی ئەو کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت، ئەوا ڕەنگە پێویست بکات کاتێك دیاری بکەیت بۆ پێشکەشکردنی داواکاریەکەت. لە دۆخی جێگرەوەدا، ڕەنگە بتوانیت داواکاریەکەت پێشکەش بکەیت بە بەبێ ئاگادارکردنەوەی پێشوەخت، بۆ کاتێك کە تۆ ئەمە دەکەیت دەبێت لە ماوەی کاتژمێرەکانی ئاسایی کارکردندا بێت. ڕاستەخۆ پەیوەندی بکە بە کونسوڵخانە\ناوەندی ڤیزای ماڵتا بۆ زانینی ئەوەی کە ئایا پێویست دەکات کاتێك دیاری بکەیت بۆ پێشکەش کردنی داواکاریەکەت.
• هەنگاوی ٥: داواکاریەکەت پڕبکەرەوە.
  • کونسوڵخانە\ناوەندی پڕۆسەکردنی جیاوازی ماڵتا ڕێگەی جیاوازیان هەیە بۆ بەدەست خستنی کردنی داواکاریەکان. پێویستە تۆ فۆڕمی داواکاریەکە دابەزێنیت، تەواو بکەیت، چاپ بکەیت ، لێرە بەردەستە. تۆ ئەم کۆپی کاغەزە پیشکەش بکە بە هەر کونسوڵخانە\ناوەندی ڤیزایەك کە تۆ لەڕێگەیەوە داواکاری پێشکەش دەکەیت.
• هەنگاوی ٦: تێچووی داواکاریەکە بدە.
• هەنگاوی ٧: داواکاری ڤیزای شینگن پێشکەش بکە (بەلایەنی کەمەوە ١٥ ڕۆژ بەر لە گەشتکردن، نەوەك ٦ مانگ بەرلەوە).
  • کونسوڵخانە\ناوەندی پڕۆسەکردنی جیاوازی ماڵتا ڕێکاری جیاوازیان هەیە بۆ پێشکەش کردنی داواکاریەکان، لە زۆربەی دۆخەکاندا، داواکاریەکان پیویستە پێشکەش بکرێن بە شێوەی کەسی لە کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت.
  • کاتێك داواکاریەکەت پێشکەش دەکەیت، ئەوا بە گشتی داوات ڵێدەکرێت بۆ پێشکەشکردنی زانیاری بایۆمیتری (پەنجەمۆر). منداڵانی بچوکتر لە ١٢ ساڵ بەدەرخراون لە وەرگرتنی پەنجەمۆر. ئەگەر تۆ پەنجەپۆرەکانت پێشکەش کردووە (لەماوەی کەمتر لە ٥٩ مانگ)، ئەوا پێویست ناکات تۆ دووبارە پێشکەشی بکەیتەوە،
  • تکایە تێبینی ئەوە بکە، کە دوای پێشکەشکردنی داواکاریەکەت، ڕەنگە داوات لێبکرێت لە ڕۆژێکی دواتردا بگەڕێیتەوە بۆ چاوپێکەستنی کەسی بۆ دابینکردنی زانیاری\ماددەی زیاتر لەبارەی گەشتەکەتەوە.

کەی داواکاری پێشکەش بکەیت

داواکاری پێشکەش بکە بەلایەنی کەمەوە ١٥ ڕۆژ بەر لەو ڕۆژەی کە دەتەوێت گەشت بکەیت، و نەك پێش ٦ مانگ بەرلەوەی بڕۆیت.

لە کوێ داواکاری پێشکەش بکەیت

داواکاریەکان بۆ ڤیزا شینگنەکانی ماڵتا پێویستە پێشکەش بکرێن لە کونسولخانە\باڵوێزخانەی ماڵتای ان لە ناوەندی داواکردنی ڤیزا کە پەیوەندی هەیە لەگەڵ ماڵتا.

بە بیردۆزی، دەبێت تۆ داواکاریەکەت بۆ ڤیزای شینگنی ماڵتا دادەبەزێنیت لەو وڵاتەی کە تۆ بەشێوەی یاسایی تێیدا نیشتەجێیت.

ئەگەر پێویستە داواکاری پێشکەش بکەیت لە ڕێگەی کونسوڵخانە\باڵوێزخانەیەکەوە کە دەکەوێتە وڵاتێکەوە و تێیدا تۆ بە یاسایی لەوێیت، بەڵام بە یاسایی نیشتەجێ نیت، دەبێت تۆ هۆکارێکی دروستت هەبێت بۆ کردنی ئەمە. لەگەڵ ئەمەشدا، کونسوڵخانەکە لەو وڵاتەدا پێویستە هۆکارەکانت بۆ پێشکەش کردنی داواکاری پەسەند بکات لەڕێگەیانەوە و بڕیاربدەن بە پڕۆسەکردنی داواکاریەکەت.

لەو وڵاتانەی کە کونسوڵخانەی ماڵتا بوونی نیە، ڕەنگە بکرێت داواکاریەکان لە ڕێگەی کونسوڵخانەی دەوڵەتێکی شینگنەوە بنێرێێن کە نوێنەرایەتی بەرژەوەندیەکانی کونسوڵخانەی ماڵتا دەکات.

کاتی پڕۆسەکردن

کاتی گشتی پرۆسەکردن بۆ ڤیزای شینگنی ماڵتا بەگشتی نزیکەی ١٥ ڕۆژە، هەرچەندە ڕەنگە هەتا ٦٠ ڕۆژ بخایەنیت لە کەیسی دیاریکراودا.

ئەگەر ڤیزاکەت پەسەندکرا:

ڤیزاکەت هەڵبگرە و دڵنیابە لەوەی کە زانیاریەکانی کارایە و تەواوە.

ئەگەر ڤیزاکەت ڕەتکرایەوە:

ئەگەر تۆ ڕەتکردنەوەی ڤیزای شینگنی ماڵتات بەدەست گەیشت، ئەوا تۆ مافی تێهەڵچوونەوەت هەیە لە ماوەی ١٥ ڕۆژ لە بەدەست گەیشتنی ڕەتکردنەوەکەت.

دەست بەم پڕۆسەیەکە بکە بە هەڵگرتنی فۆرمی دەرچووی ئاسایی رەتکردنەوەی ڤیزاکەت، کە پێناسەی دەکات بۆچی داواکاریەکەت ڕەتکراوەتەوە، و هەنگاوە وردەکاریەکانی پڕۆسەی تێهەڵچوونەوە ڕووندەکاتەوە.

پێویستە تۆ تێچووی تێهەڵچونەوە بدەیت، کە ناگەڕێنرێتەوە بەبێ گوێدانە دەرەنجامی تێهەڵچونەوەکە (ئەرێنی یان نەرێنی).

پێویستە تۆ تێهەڵچونەوەی ڤیزای شینگنەکەت پێشکەش بکەیت بە ئەنجەمەنی تێهەڵچوونەوەی کۆچبەرانی ماڵتا بەم ناونیشانەی خوارەوە:
The Secretary
Immigration Appeals Board
109,
Triq Zekka
Valletta VLT 1517

هەروەها پێویستە تۆ کۆپیەکی تێهەڵچونەوەکەت بە ئیمەیڵ بنێریت بۆ: [email protected]

پێویستە تێهەڵچونەوەکەت کۆپی ڕەتکردنەوە بنچینەییەکە لەخۆبگرێت، ڕاستێنرابێت لەلایەن دادنووس.

دەبێت تێهەڵچونەوەکەت بە زمانی ئینگلیزی نووسرابێت.

لە کۆتاییدا، کاتێك کە تۆ ڤیزای شینگنی ماڵتا بەدەست دەهێنیت، تکایە تێبینی ئەمانەی خوارەوە بکە:

ڕەنگە ڤیزاکەیت هەڵبوەشێنرێتەوە ئەگەر تۆ کونسوڵخانە\ناوەندی داواکاری ڤیزای ماڵتا ئاگادار نەکەیتەوە لە هەر گۆڕانکاریەك لە ئاڕاستەی گەشتەکەت کە ڕوودەدات دوای ئەوەی کە تۆ داواکاریەکەت پێشکەش دەکەیت.

پەسەندبوونت بۆ ڤیزای شینگنی ماڵتا دڵنیایی نادات لە چوونە ناوەوە بۆ هەریەك لە ماڵتا یان ناوچەی گشتی شینگن – دەکرێت جارێکی تر چونەژوورەوەت ڕەتبکرێتەوە بۆ هەردوو ناوچەکان لەکاتی گەیشتندا.

لە دۆخی جێگرەوە، ڕەنگە پێویست بکات بەڵگەنامەی زیاتر نیشان بدەیت لەبارەی داراییەکانت یان شوێنی مانەوە بۆ ئەوەی بچیتە ماڵتا\ناوچەی شینگن.