چۆن داواکاری پێشکەش بکەیت بۆ ڤیزای شینگنی لۆکسمبۆڕگ؟

چۆن داواکاری پێشکەش بکەیت: هەنگاوەکان

• هەنگاوی ١: مەبەستەکەت دیاریبکە بۆ گەشتکردن بۆ لۆکسمبۆڕگ، کە جۆری ئەو ڤیزایە دیاریدەکات کە پێویستە تۆ داواکاری بۆ پێشکەش بکەیت.
• هەنگاوی ٢: ژمارەی چونەژوورەوەکان دیاریبکە کە پێویستت پێیەتی بۆ لۆکسمبۆڕگ\ناوچەی شینگن.
• هەنگاوی ٣: بەڵگەنامە پێویستەکانت کۆبکەرەوە.
• هەنگاوی ٤: کاتێك دیاری بکە بۆ دیداری ڤیزای شینگن (ئەگەر دەگونجێت)
  • بەپێی ناونیشانی ئەو کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت، ئەوا ڕەنگە پێویست بکات کاتێك دیاری بکەیت بۆ پێشکەشکردنی داواکاریەکەت. لە دۆخی جێگرەوە ڕەنگە بتوانیت داواکاریەکەت بگەێنیت  بەبێ ئاگادارکردنەوەی پێشوەخت، بۆ کاتێك کە تۆ ئەمە دەکەیت دەبێت لە ماوەی کاتژمێرەکانی ئاسایی کارکردندا بێت. ڕاستەخۆ پەیوەندی بکە بە کونسوڵخانە\ناوەندی ڤیزای لۆکسمبۆڕگ بۆ زانینی ئەوەی کە ئایا پێویست دەکات کاتێك دیاری بکەیت بۆ پێشکەش کردنی داواکاریەکەت.
• هەنگاوی ٥: داواکاریەکەت پڕبکەرەوە.
  • تۆ دەتوانیت داواکاری ڤیزای شینگنی لۆکسمبۆڕگ لە ڕێگەی ئینتەرنێتەوە لێرە دابەزێنیت. کاتێك تەواودەکرێت، داواکاریەکەت چاپ بکە و واژۆ بکە. کۆپی ئەم کاغەزە پێشکەش بکە بە هەر کونسوڵخانە\ناوەندێکی ڤیزای لۆکسمبۆڕگ کە تۆ لەڕێگەیەوە داواکاری پێشکەش دەکەیت. کونسوڵخانە جیاوازی لۆکسمبۆڕگ ڕێگای جیاوازیان هەیە بۆ پێشکەش کردنی داواکاریەکان. سەردانی وێب سایتی کونسوڵخانە دەستنیشانکراوەکەت بکە بۆ خانینی چۆنیەتی پێشکەش کردنی داواکاریەکەت.
• هەنگاوی ٦: تێچووی داواکاریەکە بدە.
• هەنگاوی ٧: داواکاری ڤیزای شینگن پێشکەش بکە (بەلایەنی کەمەوە ١٥ ڕۆژ بەر لە گەشتکردن، نەوەك ٦ مانگ بەرلەوە).
  • کونسوڵخانە\ناوەندی پڕۆسەکردنی جیاوازی لۆکسمبۆڕگ ڕێکاری جیاوازیان هەیە بۆ پێشکەش کردنی داواکاریەکان، لە زۆربەی دۆخەکاندا، داواکاریەکان بۆ ڤیزای شینگنی لۆکسمبۆڕگ پیویستە پێشکەش بکرێن بە شێوەی کەسی لە کونسوڵخانە\ناوەندی ڤیزای لۆکسمبۆڕگ کە تۆ لەڕێگەیەوە داواکاری پێشکەش دەکەیت.
  • کاتێك داواکاریەکەت پێشکەش دەکەیت، ئەوا بە گشتی داوات ڵێدەکرێت بۆ پێشکەشکردنی زانیاری بایۆمیتری (پەنجەمۆر). منداڵانی بچوکتر لە ١٢ ساڵ بەدەرخراون لە وەرگرتنی پەنجەمۆر. ئەگەر تۆ پەنجەپۆرەکانت پێشکەش کردووە (لەماوەی کەمتر لە ٥٩ مانگ)، ئەوا پێویست ناکات تۆ دووبارە پێشکەشی بکەیتەوە،
  • تکایە تێبینی ئەوە بکە، کە دوای پێشکەشکردنی داواکاریەکەت، ڕەنگە داوات لێبکرێت لە ڕۆژێکی دواتردا بگەڕێیتەوە بۆ چاوپێکەستنی کەسی بۆ دابینکردنی زانیاری\ماددەی زیاتر لەبارەی گەشتەکەتەوە.

کەی داواکاری پێشکەش بکەیت بۆ ڤیزای شینگن

داواکاری پێشکەش بکە بەلایەنی کەمەوە ١٥ ڕۆژ بەر لەو ڕۆژەی کە دەتەوێت گەشت بکەیت، و نەك پێش ٦ مانگ بەرلەوەی بڕۆیت.

لە کوێ داواکاری پێشکەش بکەیت بۆ ڤیزای شینگن

داواکاریەکان بۆ ڤیزا شینگنەکانی لۆکسمبۆڕگ پێویستە پێشکەش بکرێن بەشێوەی کەسی یاخود لە کونسولخانەی لۆکسمبۆڕگ یان لە کونسوڵخانەی دەوڵەتێکی شینگن کە نوێنەرایەتی بەرژەوەندیەکانی کونسوڵخانەی لۆکسمبۆڕگ دەکات.

بە بیردۆزی، دەبێت تۆ داواکاریەکەت بۆ ڤیزای شینگنی لۆکسمبۆڕگ دادەبەزێنیت لەو وڵاتەی کە تۆ بەشێوەی یاسایی تێیدا نیشتەجێیت\یان هاوڵاتیت.

کرتەیەك لێرە بکە بۆ دۆزینەوەی نزیکترین کۆنسوڵخانە\باڵوێزخانەی لۆکسمبۆڕگ لە تۆوە. (تێبینی، ئەم پەڕەی وێب سایتە بە زمانی فەڕەنسیە).

ئەگەر تۆ داواکاری پێشکەش بکەی لە ڕێگەی کۆنسوڵخانە\باڵوێزخانەی لۆکسمبۆڕگ یان ناوەندی پێشکەش کردنی ڤیزا لە وڵاتێکدا کە بە یاسایی تێیدا نیشتەجێ نیت، ئەوا دەبێت هۆکارێکی دروستت هەبێت بۆ کردنی ئەمە. هۆکارە دروستەکان ئەوە لەخۆدەگرێت کە تۆ بە یاسایی دەمێنیتەوە لە وڵاتێکی تردا (بە ڤیزا\مۆڵەتی کارا)، و ئەوەی کە کونسوڵخانە لەو وڵاتەدا هۆکارەکانتی بۆ پێشکەشکردنی داواکاری لەڕێگەی ئەوانەوە پەسەند کردووە و بڕیاریان داوە بە پڕۆسەکردنی داواکاریەکەت.

لەو وڵاتانەی کە کونسوڵخانەی لۆکسمبۆڕگ بوونی نیە، ڕەنگە بکرێت داواکاریەکان لە ڕێگەی کونسوڵخانەی دەوڵەتێکی شنگنەوە بنێرێێن کە نوێنەرایەتی بەرژەوەندیەکانی کونسوڵخانەی لۆکسمبۆڕگ دەکات.

کاتی پڕۆسەکردنی بۆ ڤیزای شینگن

کاتی گشتی پرۆسەکردنی بۆ ڤیزای شینگنی لۆکسمبۆڕگ بەگشتی نزیکەی ١٥ ڕۆژە، هەرچەندە ڕەنگە هەتا ٤٥ ڕۆژ بخایەنیت لە کەیسی دیاریکراودا.

ئەگەر ڤیزاکە پەسەندکرا:

ڤیزاکەت هەڵبگرە و دڵنیابە لەوەی کە زانیاریەکانی کارایە و تەواوە.

ئەگەر ڤیزاکەت ڕەتکرایەوە:

ئەگەر تۆ ڕەتکردنەوەی ڤیزای شینگنی لۆکسمبۆڕگت بەدەست گەیشت، ئەوا تۆ (یان بریاکاری یاسایی خۆت) مافی تێهەڵچوونەوەت هەیە لە ماوەی ٣ مانگ لە بەدەست گەیشتنی ڕەتکردنەوەکەت.

دەست بەم پڕۆسەیەکە بکە بە هەڵگرتنی فۆرمی دەرچووی ئاسایی رەتکردنەوەی ڤیزاکەت، کە پێناسەی دەکات بۆچی داواکاریەکەت ڕەتکراوەتەوە، و هەنگاوە وردەکاریەکانی پڕۆسەی تێهەڵچوونەوە ڕوندەکاتەوە، لەوانە بۆ کوێ بینێریت.

ئەگەر تۆ بڕیاربدەیت بە پڕۆسەکردن، دەبێت داواکاریەك پڕبکەیتەوە لەگەڵ پارێزەرێکی دادگا لە دادگای حکومی.

تکایە تێبینی ئەوە بکە، کە ڕەنگە تۆ تێچووی تێهەڵچونەوە بدەیت، کە ناگەڕێنرێتەوە بەبێ گوێدانە دەرەنجامی تێهەڵچونەوەکە (ئەرێنی یان نەرێنی).

لە کۆتاییدا، کاتێك کە تۆ ڤیزای شینگنی لۆکسمبۆڕگ بەدەست دەهێنیت، تکایە تێبینی ئەمانەی خوارەوە بکە:

ڕەنگە ڤیزاکەیت هەڵبوەشێنرێتەوە ئەگەر تۆ کونسوڵخانە\ناوەندی داواکاری ڤیزای لۆکسمبۆڕگ ئاگادار نەکەیتەوە لە هەر گۆڕانکاریەك لە ئاڕاستەی گەشتەکەت کە ڕوودەدات دوای ئەوەی کە تۆ داواکاریەکەت پێشکەش دەکەیت.

پەسەندبوونت بۆ ڤیزای شینگن دڵنیایی نادات لە چوونە ناوەوە بۆ هەریەك لە لۆکسمبۆڕگ یان ناوچەی گشتی شینگن – دەکرێت جارێکی تر چونەژوورەوەت ڕەتبکرێتەوە بۆ هەردوو ناوچەکان لەکاتی گەیشتندا.

لە دۆخی جێگرەوە، ڕەنگە پێویست بکات بەڵگەنامەی زیاتر نیشان بدەیت لەبارەی داراییەکانت یان شوێنی مانەوە بۆ ئەوەی بچیتە لۆکسمبۆڕگ\ناوچەی شینگن.