چۆن داواکاری پێشکەش بکەیت بۆ ڤیزای شینگنی سوید؟

چۆن داواکاری پێشکەش بکەیت: هەنگاوەکان

• هەنگاوی ١: مەبەستەکەت دیاریبکە بۆ گەشتکردن بۆ سوید، کە جۆری ئەو ڤیزایە دیاریدەکات کە پێویستە تۆ داواکاری بۆ پێشکەش بکەیت.
• هەنگاوی ٢: ژمارەی چونەژوورەوەکان دیاریبکە کە پێویستت پێیەتی بۆ سوید\ناوچەی شینگن.
• هەنگاوی ٣: بەڵگەنامە پێویستەکانت کۆبکەرەوە.
• هەنگاوی ٤: کاتێك دیاری بکە بۆ دیداری ڤیزای شینگن (ئەگەر دەگونجێت)
  • بەپێی ئەو کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت، ئەوا ڕەنگە پێویست بکات کاتێك دیاری بکەیت بۆ پێشکەشکردنی داواکاریەکەت. لە دۆخی جێگرەوەدا، ڕەنگە بتوانیت داواکاریەکەت پێشکەش بکەیت بە بەبێ ئاگادارکردنەوەی پێشوەخت، بۆ کاتێك کە تۆ ئەمە دەکەیت دەبێت لە ماوەی کاتژمێرەکانی ئاسایی کارکردندا بێت. ڕاستەخۆ پەیوەندی بکە بە کونسوڵخانە\ناوەندی ڤیزای سوید بۆ زانینی ئەوەی کە ئایا پێویست دەکات کاتێك دیاری بکەیت بۆ پێشکەش کردنی داواکاریەکەت.
• هەنگاوی ٥: داواکاریەکەت پڕبکەرەوە.
  • کونسوڵخانە\ناوەندی پڕۆسەکردنی جیاوازی سوید ڕێکاری جیاوازیان هەیە بۆ بەدەست خستنی داواکاریەکان- ئەوەی لە کوێوە داوکاری پێشکەش دەکەیت بەندە لەسەر ئەوەی خەڵکی کوێیت، ڕاستەوخۆ پەیوەندی بکە بە کونسوڵخانە\ناوەندی ڤیزاکەت بۆ زانینی ئەوەی کە ئایا پێویست دەکات لەڕێگەی دابینەرانی خزمەتگوزاری دەرەکی داواکاریەکەت پێشکەش بکەیت یان ڕاستەوخۆ لەڕێگەی باڵوێزخانەی سویدەوە.
  • تکایە تێبینی ئەوە بکە کە هەڵبژاردەی پێشکەش کردنی داواکاری زخمەتگوزاری-ئەلیکترۆنی سوید تەنها بەردەستە ئەگەر تۆ لەڕێگەی باڵوێزخانەی سویدەوە لە ئێران، کۆریا، تەنزانیا، یان تۆکیۆ. ئەگەر تۆ داواکاری پێشکەش دەکەیت بۆ ڤیزای شینگنی سوید لەڕێگەی یەکێك لەم باڵوێزخانانەوە، ئەوا دەبێت تۆ لینکی خمەتگوزاری-ئەلیکترۆنی بەکاربهێنیت لێرە.
• هەنگاوی ٦: تێچووی داواکاریەکە بدە.
• هەنگاوی ٧: داواکاری ڤیزای شینگن پێشکەش بکە (بەلایەنی کەمەوە ١٥ ڕۆژ بەر لە گەشتکردن، نەوەك ٦ مانگ بەرلەوە).
  • کونسوڵخانە\ناوەندی پڕۆسەکردنی جیاوازی سوید ڕێکاری جیاوازیان هەیە بۆ پێشکەش کردنی داواکاریەکان، لە زۆربەی دۆخەکاندا، داواکاریەکان پیویستە پێشکەش بکرێن بە شێوەی کەسی لە کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت.
  • کاتێك داواکاریەکەت پێشکەش دەکەیت، ئەوا بە گشتی داوات ڵێدەکرێت بۆ پێشکەشکردنی زانیاری بایۆمیتری (پەنجەمۆر). منداڵانی بچوکتر لە ١٢ ساڵ بەدەرخراون لە وەرگرتنی پەنجەمۆر. سەڕەڕای  ئەوەش، وێنەی دەماوچاوی کەسی پێویستە بۆ هەموو داواکاران بەبێ گوێدانە تەمەنیان.
  • تکایە تێبینی ئەوە بکە، کە دوای پێشکەشکردنی داواکاریەکەت، ڕەنگە داوات لێبکرێت لە ڕۆژێکی دواتردا بگەڕێیتەوە بۆ چاوپێکەستنی کەسی بۆ دابینکردنی زانیاری\ماددەی زیاتر لەبارەی گەشتەکەتەوە.

کەی داواکاری پێشکەش بکەیت بۆ ڤیزای شینگن

داواکاری پێشکەش بکە بەلایەنی کەمەوە ١٥ ڕۆژ بەر لەو ڕۆژەی کە دەتەوێت گەشت بکەیت، و نەك پێش ٦ مانگ بەرلەوەی بڕۆیت.

لە کوێ داواکاری پێشکەش بکەیت بۆ ڤیزای شینگن

داواکاریەکان بۆ ڤیزا شینگنەکانی سوید پێویستە پێشکەش بکرێن بە شێوەی کەسی یاخود لە کونسولخانەی سوید یان لە ناوەندی داواکردنی ڤیزا کە پەیوەندی هەیە لەگەڵ سوید.

پێویستە تۆ داواکاریەکەت پیشکەش بکەیت بۆ ڤیزای شینگنی سوید لەو وڵاتەی کە بەشێوەی یاسایی نیشتەجێیت\هاوڵاتیت.

کونسوڵخانە\باڵوێزخانەی سوید لەو شووێنەی کە تێیدا دەژیت بدۆزەرەوە، لێرە.

لەو وڵاتانەی کە کونسوڵخانەی سوید بوونی نیە، ڕەنگە بکرێت داواکاریەکان لە ڕێگەی کونسوڵخانەی دەوڵەتێکی شنگنەوە بنێرێێن کە نوێنەرایەتی بەرژەوەندیەکانی کونسوڵخانەی سوید دەکات. ئەگەر تۆ داواکاری پێشکەش دەکەیت بۆ ڤیزا شینگنەکانی سوید لەڕێگەی کونسوڵخانەیەکی نا-سویدی، ئەوا دەبێت تۆ پەیوەندی بکەیت بە کونسوڵخانەکەوە بەر لە پیشکش کردنی داواکاری، بۆ دڵنیابوون لەوەی کە داواکاریەکەت پەسەند دەکەن.

کاتی پڕۆسەکردنی بۆ ڤیزای شینگن

کاتی گشتی پرۆسەکردنی بۆ ڤیزای شینگنی سوید بەگشتی نزیکەی ١٥ ڕۆژە، هەرچەندە ڕەنگە کاتی زیاتر بخایەنیت لە کەیسی دیاریکراودا.

ئەگەر ڤیزاکە پەسەندکرا:

ڤیزاکەت هەڵبگرە و دڵنیابە لەوەی کە زانیاریەکانی کارایە و تەواوە.

ئەگەر ڤیزاکەت ڕەتکرایەوە:

ئەگەر تۆ ڕەتکردنەوەی ڤیزای شینگنی پۆڵەندات بەدەست گەیشت، ئەوا تۆ مافی تێهەڵچوونەوەت هەیە. لە ماوەی ٣ هەفتە لە بەدەست گەیشتنی ڕەتکردنەوەکەت.

دەست بەم پڕۆسەیەکە بکە بە هەڵگرتنی فۆرمی دەرچووی ئاسایی رەتکردنەوەی ڤیزاکەت، کە پێناسەی دەکات بۆچی داواکاریەکەت ڕەتکراوەتەوە، نامەی ڕەتکردنەوەکەت دەبێت هەنگاوە وردەکاریەکانی پڕۆسەی تێهەڵچوونەوە ڕوونبکاتەوە، لەوانە بۆ کوێ بینێریت.

پێویستە تۆ تێچووی تێهەڵچونەوە بدەیت، کە ناگەڕێنرێتەوە بەبێ گوێدانە دەرەنجامی تێهەڵچونەوەکە (ئەرێنی یان نەرێنی).

دەبێت تۆ تێهەڵچونەوەی ڤیزای شینگنەکەت بە نووسراو بنێریت بۆ ئەو کوسنوڵخانەیەی کە ڕەکردنەوە بنچینەییەکەی دەرکردووە. ئەگەر تۆ داواکاریەکەت لە کونسوڵخانەی وڵاتێکی ترەوە پێشکەش کردووە، ئەوا تێهەڵچونەوەکەت لەبەرچاودەگیرێت لەلایەن دەسەڵآتی جێگیری ئەو وڵاتە.

ئەگەر کوسوڵخانەکەت ڕەتکردنەوەکەیان نەگۆڕی، ئەوا دواتر تێهەڵچونەوەکەت دەنێررێت بۆ دادگای کۆچکردنی گۆتەنبێرگ، کە ئەمە کۆتا بڕیاری کەیسەکەی تۆی بەدەستە.

لە کۆتاییدا، کاتێك کە تۆ ڤیزای شینگنی سوید بەدەست دەهێنیت، تکایە تێبینی ئەمانەی خوارەوە بکە:

ڕەنگە ڤیزاکەیت هەڵبوەشێنرێتەوە ئەگەر تۆ کونسوڵخانە\ناوەندی داواکاری ڤیزای سوید ئاگادار نەکەیتەوە لە هەر گۆڕانکاریەك لە ئاڕاستەی گەشتەکەت کە ڕوودەدات دوای ئەوەی کە تۆ داواکاریەکەت پێشکەش دەکەیت.

پەسەندبوونت بۆ ڤیزای شینگنی سوید دڵنیایی نادات لە چوونە ناوەوە بۆ هەریەك لە سویدیان ناوچەی گشتی شینگن – دەکرێت جارێکی تر چونەژوورەوەت ڕەتبکرێتەوە بۆ هەردوو ناوچەکان لەکاتی گەیشتندا.

لە دۆخی جێگرەوە، ڕەنگە پێویست بکات بەڵگەنامەی زیاتر نیشان بدەیت لەبارەی داراییەکانت یان شوێنی مانەوە بۆ ئەوەی بچیتە سوید\ناوچەی شینگن.