چۆن داواکاری پێشکەش بکەیت بۆ ڤیزای شینگنی بەلجیکا؟

چۆن داواکاری پێشکەش بکەیت: هەنگاوەکان

• هەنگاوی ١: مەبەستەکەت دیاریبکە بۆ گەشتکردن بۆ بەلجیکا، کە جۆری ئەو ڤیزایە دیاریدەکات کە پێویستە تۆ داواکاری بۆ پێشکەش بکەیت.
• هەنگاوی ٢: ژمارەی چونەژوورەوەکان دیاریبکە کە پێویستت پێیەتی بۆ بەلجیکا\ناوچەی شینگن.
• هەنگاوی ٣: بەڵگەنامە پێویستەکانت کۆبکەرەوە.
• هەنگاوی ٤: کاتێك دیاری بکە بۆ دیداری ڤیزای شینگن (ئەگەر دەگونجێت)
  • بەپێی ناونیشانی ئەو کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت، ئەوا ڕەنگە پێویست بکات کاتێك دیاری بکەیت بۆ پێشکەشکردنی داواکاریەکەت بەبێ ئاگادارکردنەوەی پێشوەخت، بۆ کاتێك کە تۆ ئەمە دەکەیت دەبێت لە ماوەی کاتژمێرەکانی ئاسایی کارکردندا بێت. ڕاستەخۆ پەیوەندی بکە بە کونسوڵخانە\ناوەندی ڤیزاکەت بۆ زانینی ئەوەی کە ئایا پێویست دەکات کاتێك دیاری بکەیت بۆ پێشکەش کردنی داواکاریەکەت.
• هەنگاوی ٥: داواکاریەکەت پڕبکەرەوە.
  • کونسوڵخانە\ناوەندی پڕۆسەکردنی ڤیزای جیاوازی بەلجیکا ڕەنگە ڕێگەی جیاواز دابینبکەن بۆ بەدەستختسنی داواکاریەکان. بە گشتی، داواکاریەکان بۆ ڤیزای شینگنی بەلجیکا جێگیر دەکرێن لەڕێگەی ماڵپەڕی ئینتەرنێتی داواکاری بەلجیکا، لێرە بەدەست دەخرێت.
    • وەکو بەکارهێنەرێکی نوێ خۆت تۆمار بکە بۆ ئەوەی هەژمارێکی ئینتەرنێتی دروستبکەیت، کە ڕێگەت پێدەدات داواکاریەکەت بەشیوەی ئۆنلاین پڕبکەیتەوە.
    • کاتێك تەواودیدەکەیت و بەشێوەی ئەلیکترۆنی دەینێریت، کۆپیەك دەنێررێت بۆ ئیمەیڵەکەت لە شێوازی پی دی ئێف. تۆ ئەم کۆپیە چاپ دەکەیت، واژۆ دەکەیت، و دەینێریت لەگەڵ هەموو پێداویستەکانی داواکاریەکەت لە دیداری دواتری ڤیزاکەت.
    • کاتێك تۆ بەسەرکەوتووی بە شێوەی ئەلیکترۆنی داواکاریەکەت پێشکەش دەکەیت، ئەوا تۆ بیرهێنانەوەیەکی خێرات بەدەست دەگات بۆ دیاریکردنی کاتێك بۆ دیداری کەسی لە کونوسڵخانە\ناوەندی ڤیزای بەلجیکا. ئەمە ئەو شوێنەیە کە دەبێت تۆ داواکاریەکەت پێشکەش بکەیت وە بەهەمان شێوە بەڵگەنامەن پێوستە سەرەتاییەکانیشت.
  • لە دۆخێکدا کە تۆ نەتتوانی دەستت بگات بە ماڵپەڕی ئینتەرنێتی پێشکەشکردنی داواکاری بەلجیکا، ئەوا ڕەنگە بتوانیت فۆرمی داواکاریەکە چاپ بکەیت، واژۆ بکەیت و بنێریت. فۆرمی داواکاری لێرە بەردەستە.
• هەنگاوی ٦: تێچووی داواکاریەکە بدە.
• هەنگاوی ٧: داواکاری ڤیزای شینگن پێشکەش بکە (بەلایەنی کەمەوە ١٥ ڕۆژ بەر لە گەشتکردن، نەوەك ٦ مانگ بەرلەوە).
  • کونسوڵخانە\ناوەندی پڕۆسەکردنی ڤیزای جیاوازی بەلجیکا ڕەنگە ڕێکاری جیاواز دابینبکەن بۆ پێشکەش کردنی داواکاریەکان. لە زۆربەی دۆخەکاندا، پێویستە داواکاریەکان بە شێوەی کەسی پێشکەش بکرێن لەو کونسوڵخانە\ناوەندەی کە تۆ لەڕێگەیەوە داواکاری پێشکەش دەکەیت. کاتێك کە تۆ داواکاریەکەت پێشکەش دەکەیت، ئەوا ڕەنگە داوات لێبکرێت زانیاری بایۆمیتری پێشکەش بکەیت (پەنجەمۆر). منداڵانی بچوکتر لە ١٢ ساڵ بەدەرخراون لە وەرگرتنی پەنجەمۆر. سەڕەڕای ئەمەش، وێنەگرتنی دەموچاو داوادەکرێت بەهۆی تەمەنەکەیانەوە.

کەی داواکاری پێشکەش بکەیت

داواکاری پێشکەش بکە بەلایەنی کەمەوە ١٥ ڕۆژ بەر لەو ڕۆژەی کە دەتەوێت گەشت بکەیت، و نەك پێش شەش مانگ بەرلەوەی بڕۆیت.

لە کوێ داواکاری پێشکەش بکەیت

داواکاریەکان بۆ ڤیزا شینگنەکانی بەلجیکا پێویستە پێشکەش بکرێن یاخود لە کونسولخانەی بەلجیکا یان لە ناوەندی داواکردنی ڤیزا کە پەیوەندی هەیە لەگەڵ بەلجیکا.

لەو وڵاتانەی کە کونسوڵخانەی بەلجیکا بوونی نیە، ڕەنگە بکرێت داواکاریەکان لە ڕێگەی کونسوڵخانەی دەوڵەتێکی شینگنەوە بنێرێێن کە نوێنەرایەتی بەرژەوەندیەکانی کونسوڵخانەی بەلجیکا دەکات.

بە گشتی، تۆ داواکاریەکەت پێشکەش دەکەیت لەو وڵاتەی کە تۆ بەشێوەی یاسایی تێیدا نیشتەجێیت\یان هاوڵاتیت.

تۆ دەتوانیت بەدوای کونسوڵخانە\ناوەندی داواکاری ڤیزای بەلجیکادا بگەڕێیت کە نزیکترین بێت لێتەوە لەڕێگەی سایتی فەڕمی ڤیزای شینگنی بەلجیکا بۆ ڕاوێژ لێرە.

کاتی پڕۆسەکردن

کاتی گشتی پرۆسەکردن بۆ ڤیزای شینگنی بەلجیکا بەگشتی نزیکەی دوو هەفتەیە ١٥ ڕۆژە، هەرچەندە کاتی پڕۆسەکردنی ئێستا ٣٠-٨٥ ڕۆژە. لە هەندێك دۆخدا، کاتی پرۆسەکردنی بۆ ڤیزای شینگنی بەلجیکا دەگۆڕێت بەپێی جۆر و پۆلێنی ئەو ڤیزایەی کە داواکاری پێشکەش دەکەیت، وە بە هەمان شێوە ئەوەی کە کەی داواکاری پێشکەش دەکەیت (زستان یاخود هاوین، هتد.).

ئەگەر ڤیزاکە پەسەندکرا:

ڤیزاکەت هەڵبگرە و دڵنیابە لەوەی کە زانیاریەکانی کارایە و تەواوە.

ئەگەر ڤیزاکەت ڕەتکرایەوە:

ئەگەر تۆ ڕەتکردنەوەی ڤیزای شینگنی بەلجیکات بەدەست گەیشت، ئەوا تۆ مافی تێهەڵچوونەوەت هەیە لە ماوەی ٣٠ ڕۆژ لە بەدەست گەیشتنی ڕەتکردنەوەکەت.

ڕەنگە تۆ فۆڕمی ڕەتکردنەوەی ئاسایی دەرچووی بەلجیکات بەدەست بگات کە هەنگاوەکانی پڕۆسەی تێهەڵچوونەوە بە وردی دەردەخات.

پێویستە تێهەڵچوونەوەکەت ئاڕاستەی کاونسێیڵ دێ کۆنتێنتیۆکس دێس ئێتڕانجێس لەم ناونیشانانەی خوارەوە:
Conseil du Contentieux des étrangers
Raad voor Vreemdelingenbetwistingen
Rue Gaucheret 92-94
B-1030 Brussels
Belgium

لە کۆتاییدا، کاتێك کە تۆ ڤیزای شینگنی بەلجیکا بەدەست دەهێنیت، تکایە تێبینی ئەمانەی خوارەوە بکە:

ڕەنگە ڤیزاکەیت هەڵبوەشێنرێتەوە ئەگەر تۆ کونسوڵخانە\ناوەندی داواکاری ڤیزای بەلجیکا ئاگادار نەکەیتەوە لە هەر گۆڕانکاریەك لە ئاڕاستەی گەشتەکەت کە ڕوودەدات دوای ئەوەی کە تۆ داواکاریەکەت پێشکەش دەکەیت.

پەسەندبوونت بۆ ڤیزای شینگن دڵنیایی نادات لە چوەنە ناوەوە بۆ هەریەك لە بەلجیکا یان ناوچەی گشتی شینگن – دەکرێت جارێکی تر چونەژوورەوەت ڕەتبکرێتەوە بۆ هەردوو ناوچەکان لەکاتی گەیشتندا.

لە دۆخی جێگرەوە، ڕەنگە پێویست بکات بەڵگەنامەی زیاتر نیشان بدەیت لەبارەی داراییەکانت یان شوێنی مانەوە بۆ ئەوەی بچیتە بەلجیکا\ناوچەی شینگن.