چۆن داواکاری پێشکەش بکەیت بۆ ڤیزای شینگنی ئیتاڵیا؟

چۆن داواکاری پێشکەش بکەیت: هەنگاوەکان

• هەنگاوی ١: مەبەستەکەت دیاریبکە بۆ گەشتکردن بۆ ئیتاڵیا، کە جۆری ئەو ڤیزایە دیاریدەکات کە پێویستە تۆ داواکاری بۆ پێشکەش بکەیت.
• هەنگاوی ٢: ژمارەی چونەژوورەوەکان دیاریبکە کە پێویستت پێیەتی بۆ ئیتاڵیا\ناوچەی شینگن.
• هەنگاوی ٣: بەڵگەنامە پێویستەکانت کۆبکەرەوە.
• هەنگاوی ٤: کاتێك دیاری بکە بۆ دیداری ڤیزای شینگن (ئەگەر دەگونجێت)
  • داواکاریەکان بۆ ڤیزای شینگنی ئیتاڵیا، ئەوا ڕەنگە پێویست بکات کاتێك دیاری بکەیت بۆ پێشکەشکردنی داواکاریەکەت. لە دۆخی جێگرەوە، ڕەنگە پێویست بکات تۆ داواکاریەکەت پێشکەش بکەیت بەبێ ئاگادارکردنەوەی پێشوەخت، بۆ کاتێك کە تۆ ئەمە دەکەیت دەبێت لە ماوەی کاتژمێرەکانی ئاسایی کارکردندا بێت. ڕاستەخۆ پەیوەندی بکە بە کونسوڵخانە\ناوەندی ڤیزا  بۆ زانینی ئەوەی کە ئایا پێویست دەکات کاتێك دیاری بکەیت بۆ پێشکەش کردنی داواکاریەکەت.
• هەنگاوی ٥: داواکاریەکەت پڕبکەرەوە.
  • کونسوڵخانە\ناوەندی پڕۆسەکردنی ڤیزای جیاوازی ئیتاڵیا ڕەنگە ڕێگەیجیاواز دابین بکەن بۆ بەدەستختسنی داواکاریەکان.
    • بەپێی ئەو شوێنەی داواکاری لێوە پێشکەش دەکەیت، ڕەنگە بتوانیت بە ئینتەرنێت داواکاری پێشکەش بکەیت لەڕێگەی سیستەمی داواکردنی-ئەلیکترۆنی، لێرە بەردەستە. فۆڕمە ئینتەرنێتیەکە پڕبکەرەوە، و چاپ بکە.
    • لە دۆخی جێگرەوە، تۆ دەتوانیت فۆڕمە ئینتەرنێتیەکە دابەزێنیت، تەواوبکەیت و چاپ بکەیت، کە لێرە بەردەستە. لە هەردوو بارودۆخەکەدا، دەبێت تۆ فۆڕمەکەت پێشکەش بکەیت بە هەر کونسوڵخانە\ناوەندی ڤیزایەك کە تۆ لەڕێگەیەوە داواکاری پێشکەش دەکەیت.
    • زانیاری زیاتر لەبارەی چۆنیەتی پێشکەشکردنی داواکاری بۆ ڤیزای شینگنی ئیتاڵیا دەکرێت لەڕێگەی ئەم لینکە بدۆزرێتەوە، بە تۆمارکردنی وڵاتەکەت و زانیاریە پەیوەندیدارەکانی تر بە ڤیزاکەت.
• هەنگاوی ٦: تێچووی داواکاریەکە بدە.
• هەنگاوی ٧: داواکاری ڤیزای شینگن پێشکەش بکە (بەلایەنی کەمەوە ١٥ ڕۆژ بەر لە گەشتکردن، نەوەك ٦ مانگ بەرلەوە).
  • کونسوڵخانە\ناوەندی پڕۆسەکردنی جیاوازی ئیتاڵیا ڕێکاری جیاوازیان هەیە بۆ پێشکەش کردنی داواکاریەکان، لە زۆربەی دۆخەکاندا، داواکاریەکان پیویستە پێشکەش بکرێن بە شێوەی کەسی لە کونسوڵخانە\ناوەندی ڤیزایەی کە تۆ لەڕێگەیەوە داواکاری پێشکەش دەکەیت.
  • کاتێك داواکاریەکەت پێشکەش دەکەیت، ئەوا بە گشتی داوات ڵێدەکرێت بۆ پێشکەشکردنی زانیاری بایۆمیتری (پەنجەمۆر). منداڵانی بچوکتر لە ١٢ ساڵ بەدەرخراون لە وەرگرتنی پەنجەمۆر. ئەگەر تۆ پەنجەمۆرەکانت پێشکەش کردووە (لەماوەی کەمتر لە ٥٩ مانگ)، ئەوا پێویست ناکات تۆ دووبارە پێشکەشی بکەیتەوە.
  • تکایە تێبینی ئەوە بکە، کە دوای پێشکەشکردنی داواکاریەکەت، ڕەنگە داوات لێبکرێت لە ڕۆژێکی دواتردا بگەڕێیتەوە بۆ چاوپێکەستنی کەسی بۆ دابینکردنی زانیاری\ماددەی زیاتر لەبارەی گەشتەکەتەوە.

 کەی داواکاری پێشکەش بکەیت

داواکاری پێشکەش بکە بەلایەنی کەمەوە ١٥ ڕۆژ بەر لەو ڕۆژەی کە دەتەوێت گەشت بکەیت، و نەك پێش ٦ مانگ بەرلەوەی بڕۆیت.

لە کوێ داواکاری پێشکەش بکەیت

داواکاریەکان بۆ ڤیزا شینگنەکانی ئیتاڵیا پێویستە پێشکەش بکرێن بە شێوەی کەسی یاخود لە کونسولخانە\باڵوێزخانەی ئیتاڵیا یان لە ناوەندی داواکردنی ڤیزا کە پەیوەندی هەیە لەگەڵ ئیتاڵیا.

پێویستە تۆ داواکاریەکەت پیشکەش بکەیت بۆ ڤیزای شینگنی ئیتاڵیا ەو وڵاتەی کە بەشێوەی یاسایی نیشتەجێیت\هاوڵاتیت.

لەو وڵاتانەی کە کونسوڵخانەی ئیتاڵیا بوونی نیە، ڕەنگە بکرێت داواکاریەکان لە ڕێگەی کونسوڵخانەی دەوڵەتێکی شینگنەوە بنێرێێن کە نوێنەرایەتی بەرژەوەندیەکانی کونسوڵخانەی ئیتاڵیا دەکات.

کاتی پڕۆسەکردن

کاتی گشتی پرۆسەکردنی بۆ ڤیزای شینگنی ئیتاڵیا بەگشتی نزیکەی ١٥ ڕۆژە، هەرچەندە ڕەنگە کاتی زیاتر بخایەنیت لە کەیسی دیاریکراودا.

ئەگەر ڤیزاکە پەسەندکرا:

ڤیزاکەت هەڵبگرە و دڵنیابە لەوەی کە زانیاریەکانی کارایە و تەواوە.

ئەگەر ڤیزاکەت ڕەتکرایەوە:

ئەگەر تۆ ڕەتکردنەوەی ڤیزای شینگنی ئیتاڵیات بەدەست گەیشت، ئەوا تۆ مافی تێهەڵچوونەوەت هەیە لە ماوەی ٦٠ ڕۆژ لە بەدەست گەیشتنی ڕەتکردنەوەکەت.

پێووسیتە تۆ تێهەڵچوونەوەی ڤیزای شینگنەکەت پێشکەش بکەیت بەو کونسوڵەخانەیەی کە ڤیزاکەتی ڕەتکردووەتەوە. کە پێناسەی ئەوە دەکات بۆچی داواکاریەکەت ڕەتکرایەوە، و هەنگاوە وردەکانی پڕۆسەی تێهەڵچوونەوە ڕوندەکاتەوە.

پێویستە تۆ تێچووی تێهەڵچونەوە بدەیت، کە ناگەڕێنرێتەوە بەبێ گوێدانە دەرەنجامی تێهەڵچونەوەکە (ئەرێنی یان نەرێنی).

تێهەڵچوونەوەکەت لەبەرچاودەگیرێت لەلایەن تریبولانێ ئەمینیستراتیڤۆ ڕیگیۆنالێ (دادگای دەسەڵاتی هەرێمی)ی لازیۆ.

لە کۆتاییدا، کاتێك کە تۆ ڤیزای شینگنی ئیتاڵیا بەدەست دەهێنیت، تکایە تێبینی ئەمانەی خوارەوە بکە:

ڕەنگە ڤیزاکەیت هەڵبوەشێنرێتەوە ئەگەر تۆ کونسوڵخانە\ناوەندی داواکاری ڤیزای ئیتاڵیا ئاگادار نەکەیتەوە لە هەر گۆڕانکاریەك لە ئاڕاستەی گەشتەکەت کە ڕوودەدات دوای ئەوەی کە تۆ داواکاریەکەت پێشکەش دەکەیت.

پەسەندبوونت بۆ ڤیزای شینگن دڵنیایی نادات لە چوونە ناوەوە بۆ هەریەك لە ئیتاڵیا یان ناوچەی گشتی شینگن – دەکرێت جارێکی تر چونەژوورەوەت ڕەتبکرێتەوە بۆ هەردوو ناوچەکان لەکاتی گەیشتندا.

لە دۆخی جێگرەوە، ڕەنگە پێویست بکات بەڵگەنامەی زیاتر نیشان بدەیت لەبارەی داراییەکانت یان شوێنی مانەوە بۆ ئەوەی بچیتە ئیتاڵیا\ناوچەی شینگن.